Балаҕан ыйын 27 күнэ – Саха Өрөспүүбүлүкэтин судаарыстыбаннаһын күнэ. Бу күн 1990 сыллаахха саха норуотун улаханнык өрүкүппүт, тыынын уһаппыт, хараҥаҕа тыкпыт күн кэриэтэ суолталаммыт судаарыстыбаннай суверенитет декларацията ылыллыбыта.  

Бу историяҕа киирбит докумуон өрөспүүбүлүкэбит социальнай-экономическай бигэ туруктаах буолуутун, норуот духуобунай сайдыытын түстээбитэ.

Саха сирэ бэйэтин бас билиниитин тосхоллоро баар буолбуттара. Төрөөбүт тылбытынан үөрэнэрбит хааччаҕа суох буолбута, культуураҕа, литература5а саҥа ааттар күөрэйбиттэрэ, көҥүл тыыннаах айымньылар өрө анньан тасхыбыттара. Бу барыта СССР диэн ааттаах модун держава ыһыллан, уларыта тутуу кэмин кытта бииргэ буолбута.  1991 сыллаахха Саха сирин олохтоохторо бүттүүн өрө көтөҕүллэн туран, маҥнайгы президены талалбыттара.  Саха ССР Үрдүкү сэбиэтин бэрэссэдээтэлинэн үлэлии олорбут    Михаил Ефимович Николаев норуот  76,7 %  куолаһын ылан, бар дьонун итэҕэлин толорон,  уустук эрээри сырдык  эрэллээх  суолунан илдьэ барар. Сиртэн хостонор баай Өрөспүүбүлүкэ бас билиитигэр киирбитэ, саха ыччата техническай идэни баһылыырыгар политика турбута.

Историяны сэгэтэн кордоххо

Өрөспүүбүлүкэбит судаарыстыбаннаһын олохтонуутугар  олук уурбут дьоммутунан  буолаллар Алексей Кулаковскай-Өксөкүлээх Өлөксөй, Василий Никифоров-Күлүмнүүр, Максим Аммосов, Платон Ойуунускай, Степан Аржаков, Исидор Барахов. Кинилэр сүҥкэн үлэлэринэн 1922 с. муус устар 27 күнүгэр    Саха Автономнай Сэбиэскэй Социалистическай Республиката  тэриллибитэ.  Бу кэмтэн ыла судаарыстыбаннас өйдөбүлэ киирбитэ, өрөспүүбүлүкэ олоҕор улахан  дьайыыны оҥорбута.

Күндү уорэнээччилэр уонна учууталлар!

Судаарыстыбаннас күнэ – Сахабыт сирин бары олохтоохторун сомоҕолуур бырааһынньык! Күүспүтүн түмэр, төрөөбүт дойдубут дьылҕатыгар кыттыгастаахпытын санатар өссө биир тоҕоостоох төрүөт.

Бу бэлиэ күҥҥэ эьиэхэ ба5арабын чэгиэн-чэбдик доруобуйаны, уорэххитигэр ситиһиини! Уонна ынырыам этэ библиотека5а кэлэн кинигэтэ уларсын, элбэхтэ аа5ын, билиигитин ханатын! Киэн куттар инники кэскилбит буолун!